Friday, July 21, 2017

Polisi wamemfikisha Tundu Lissu kwenye ofisi ya mkemia mkuu kupima Mkojo


Dar es Salaam. Mkurugenzi wa Itifaki, Mawasiliano na Mambo ya Nje wa Chadema, John Mrema amesema baada ya Tundu Lissu kutolewa Kituo cha Polisi cha Kati leo mchana, amefikishwa kwa Mkemia Mkuu wa Serikali na kupimwa mkojo.

Mapema asubuhi, mawakili akiwamo Fatma Karume walizuiliwa kuonana naye huku Jeshi la Polisi likisema litaendelea kumshikilia hadi uchunguzi utakapokamilika.

Mbunge huyo wa Singida Mashariki amekamatwa Uwanja wa Ndege wa Kimataifa wa Julius Nyerere (JNIA), akielekea Kigali, Rwanda kwenye kikao cha Halmashauri ya EALS kilichoanza jana.

"Kabla ya kuelekea nyumbani kwake Tegeta, wamempeleka kwa mkemia mkuu na ameshapimwa mkojo, sasa sijui ni kitu gani wanachunguza, kwa sasa wameshaelekea nyumbani kwake kwa ajili ya kumpekua,"amesema Mrema.

Licha ya kulala rumande hakuna aliyeruhusiwa kuingia na kumuona Tundu Lissu wakiwamo wanasheria wake. Mbali na Fatma, wengine waliokuwapo ni Peter Kibatala na Frederick Kihwelo.

Saturday, July 15, 2017

Ni nini kipya CCM imefanya tangia 2015 ? Ndo yale Mw. Nyerere alisema, msiposimama na kuwa wamoja na kutakaa upuuzi, tutatawaliwa na Madikteta. Sisi tunakubaliana na kauli ya Mw Nyerere na tunasema Chadema na UKAWA 2020 !

Wapendwa Niwasalimu wote kwa jina la Bwana;

Na kwa wana Chadema na Ukawa- People’s Power !
Nina maoni machache tu kutokana na yanayondelea sasa:

Tuko pamoja kama watanzania kuhakikisha haki inapatikana kwa viongozi wetu wote wa Chadema na Ukawa. Isiwapeni tabu kwa maana Bwana Yupo pamoja nasi.

Mungu hapimi kwa mambo ya nje, au yale yanayofanyika nje, anapima mioyo yetu. Na yote anayashuhudia ya kwamba Chadema inafanya mema na tutatunikiwa zawadi yetu.

Sihitaji kutoa mifano mingi maana najua tayari mifano mingi mnaijua; viongozi wengi duniani hata kwenye Biblia walikamatwa na watu waovu kwa kusimamia ukweli tu nay ale wanayoamini. Na tukaona mwisho wa siku Baraka na mavuno makubwa ya ushindi waliopata. Hivo kazeni buti, ushindi ni wa kwetu 2020.

Kuhusu hao madiwani wa Chadema wanafiki, waacheni maana CCM hawawezi kuwanunua wananchi wapiga kura. Wananchi watakula pesa zao nab ado kupigia Chadema. Kwanza imekuwa vizuri wamejiondoa mapema ili tujua mapema nani ni msaliti na asiuze siri cha chama.

Kama mnakumbuka Nigeria, kwenye uchaguzi wa 2015, Chama kilichokuwa madarakani kilihonga mabilioni ya pesa kwa wanasiasa na vyama vya upinzani. Zote zikaliwa na alishinda alikuwa ni Buhari wa Upinzani.

Kwa hiyo kuhonga kwa sisi wakisto haijalishi, tena hasa ni mbaya maana ni machukizo kwa Mungu. Hivo CCM wanazidi kujipalia makaa ya moto kama kweli wanawanunua hawa Madiwani wa Chadema kwa pesa zetu sisi watanzania.

Ni Dhahiri kwamba hao madiwani wa Chadema waliokuwa wasaliti hawajitambui na hawatumii akili na nitawaambia kwa namna zipi:

· Watawezaje kuunga mkono Raisi kwa kuacha kazi waliotumwa na Wananchi.

· Watawezaje kuunga mkono chama ambacho kimewadhalilisha na kuwaonea miaka yote hii.

· Watawezaze kuunga mkono Raisi anayevunja sheria za nchi na kutofata katiba.

· Wanawezaje kuunga mkono uovu wote unaofanywa na CCM, na wanaona kila siku Chadema ndio wanaoibua uozo wa CCM bungeni.

· Wanawezaje kuunga mkono chama cha CCM kinacho abuse power kama Bashite na Raisi hafanyi kitu.
Wanawezaje kuunga mkono CCM ambayo imewadhalilisha CUF Zanzibar, kutumia nguvu kupiga na hata kuuwa watu kukaa tu madarakani.

· Wanawezaje kuunga mkono chama ambacho kinashuhudia utekaji wa wana Chadema wenzao wakina Ben Sanane mpaka leo hatujui walipo, leo wanaunga mkono hicho chama.

· Wanawezaje kuunga mkono CCM inayokamata viongozi wa chadema kama Lowassa, Halima, na Wakina Lissu, na kuwaharibia mashamba wakina Mbowe.

Kibiti imewashinda, kuna mauaji kila siku, wako busy na wapinzani. Ndo sasa unapata kuona namna gani uongozi uliopo madarakani Tanzania haupo serious na kuwalinda wananchi, bali kuwalinda mafisadi wakina Tibaijuka na Chenge. Halafu wanaleta geresha za kurudisha milion 50 wakati mapapa wakubwa wanawalinda.

Na bado mtu mzima mwenye akili zake timamu anaunga mkono haya?

Ni nini kipya mabacho Magufuli kafanya tangia kaingia madarakani? Zaidi tu ya kuzidi kuvunja sheria na kuzidi watu kuonewa, kutekwa na kunyamazishwa?

Hata yale ambayo wanafikiri Magufuli kafanya au anafanya, mtu yeyote mwenye akili akiangalia ataona ni yale yale ambayo Chadema imekuwa ikiyapigia kelele kwa miaka yote. Ni aliye na uwelewa mdogo sana ataunga mkono CCM kwa sasa, maana hata CCM pia wameamka na ndani yao wanaona tofauti zao.

Hata hiyo ya watoto wanaopata mimba, in fact iko kinyume hata na ilani ya CCM. Sasa sieliwi hao wanaounga mkono CCM wanaunga mkono kitu gani ?

Lakini hii ndio inatufanya tuelewe ya kwamba ile ripoti ya TWAWEZA ilisema ukweli, ya kwamba watu wanaounga mkono CCM hawajielewi. Maana haiwezekani CCM inafanya uovu wote huo juu niioeleza na mwengine mwingi amabo Lissu aliuongea kuhusu rushwa, nab ado watu wanaunga mkono.

Chadema na Ukawa peke yao ndo wameibua kila uozo wa CCM, kila siku inasikia scandal za CCM kupitia Chadema na UKAWA halafu leo hii tunashangaa eti CCM wanapambwa na maua. Yaani kweli ni rushwa tupu maana mtu mwenye akili anaweza kabisa ona wazi CCM wamekwisha.

Basi niishie hapo:
Endeleeni na mapambano, kijiji hadi kijiji, endeleeni kuvuna wanachama, mkiendelea kusimamia haki na kweli. Na Bwana Yupo nasi kuhakikisha CHADEMA na UKAWA inaingia madarakani 2020. Hao CCM Waendelee kuhonga tu, wananchi watakula hela na mwisho wa siku watachagua Chadema manake watu wanaakili siku hizi na Mungu ndiye mwamuzi wa mwisho wala sio NEC.

Msikubali Hongo ya namna yoyote ile kama alisevosema mwenyekiti Mbowe. Msikubali hongo, mtende haki, na kusimama katika kweli maana hayo ndo mapendezo ya Bwana yanayowapeleka madarakani 2020. God has the final say!

Endeleeni kwa kasi kujiimarisha kila kona, mikoa, vijiji na kuwapa elimu wanawake. 

God sees your good work; your reward is coming in 2020.
People Power 2020!

May God Bless you, May God Bless the United Republic of Tanzania.

Justin Phillip

Friday, July 14, 2017

Meya wa Jiji Isaya Mwita atembelea miradi ya maendeleo

Jengo la mradi wa viwanda vidogo vidogo lililopo eneo la Karakana Mwananyamala jijini Dar es Salaam. Awamu ya kwanza ya jingo hilo limepangwa kutumia shilingi milioni 190, ambapo inatarajiwa mwishoni mwa mwezi Julai mwaka huu utakuwa umekamilika kwa asilimia 82.(Picha zote na Christina Mwagala, Ofisi ya Meya wa jiji)


Mstahiki Meya wa jiji la Dar es Salaam Isaya Mwita mwenye shati la kijivu akitoa maelekezo kwa maofisa Utumishi wa Halmashauri ya jiji la Dar es Salaam leo alipofanya ziara ya kutembelea miradi ya maendeleo ya jiji karakana ya Mwananyamala jijini hapa.

CHRISTINA MWAGALA, OFISI YA MEYA WA JIJI

MSTAHIKI Meya wa Jiji la Dar es Salaam Isaya Mwita leo amefanya ziara ya kutembelea miradi ya Maendeleo ya jiji ambapo ameridhishwa na vikundi vinavyo tengeneza mkaa kwa kutumia malighafi ambapo amesema itasaidia kupunguza uchafu uliopo kwenye maeneo mbalimbali na kuliweka jiji katika hali ya usafi.


Ziara hiyo ambayo imehusisha Kamati ya Fedha ya Halmashauri ya Jiji, ilitembelea vikundi vya Maendeleo ya ujasiriamali cha Upendo Smart kilichopo mtaa wa Kilimahewa Kata ya Tandika kinachojihusisha na uzalishaji wa mkaa mbadala ( mkaa poa).


Aidha mbali na kikundi hicho Meya Mwita pia amejionea shuguli za uzalishaji wa mkaa unaofanywa na kikundi cha Maendeleo cha Mwangaza Vikoba kilichopo Pugu stesheni jijini hapa.
Akizungumza na wanakikundi hao, Meya Mwita amesema kuwa vikundi hivyo vinafanya kazi kubwa kutokana na ubunifu walionao jambo ambalo litasaidia kuweka jiji kwenye hali ya usafi.
Alifafanua kuwa mbali na kuweka jiji safi pia litapunguza grama kwa wananchi wanaotumia nishati ya mkaa kutokana na nishati hiyo kuuzwa kwa bei nafuu ukilinganishwa na ule unaotumika hivi sasa kwakuwa unagharama kubwa.


” Mmefanya kazi nzuri sana wakina mama ,nimeona juhudi zenu, lakini nimesikia changamoto kubwa hapa ninamna ya kuwafikia hao watu waweze kununua nishati hii, niwahakikishie madiwani wenu wapo hapa, Meya wenu nipo hapa tutaendelea kuwaunga mkono” amesema Meya Mwita.
Amesema” wananchi wanatumia gharama kubwa kununua mkaa unaochomwa kwa kutumia miti, lakini unapotumia huu ambao unatengenezwa na vikundi hivi , kwakutumia malighafi , unawezesha kuinua kiuchumi lakini pia tunatoka kwenye matumizi ya mazoea na kuingia kwenye matumizi ya kisasa.


Awali ziara hiyo ilianzia kwenye mradi wa ujenzi wa viwanda vidogo vidogo katika eneo la karakana ya Mwananyamala ambapo lengo la mradi huo ni kuwahudumia wananchi na wajasiriamali wadogo wadogo ilikuinua hali za kiuchumi hususani wakina mama na vijana.

Mradi huo unatokana na fedha zilizotengwa na Halmashauri ya Jiji katika bajeti ya mwaka 2016 /2017 ambapo kwa awamu ya kwanza mradi huo umepangwa kutumia kiasi cha shilingi milioni 190, hadi kufikia mwisho wa mwezi huu utakuwa umekamilika kwa asilimia 82.

Hata hivyo Mhandisi wa mradi huo katika Halmashauri ya jiji la Dar es Salaam Swalehe Nyenye amesema kuwa awamu ya kwanza ya mradi huo  kutajengwa majengo makubwa mawili yenye vyumba vitatu kila moja kwa ajili ya biashara

Saturday, July 8, 2017

KINACHOENDELEA KUHUSU SUALA LA HALIMA MDEE KUWEKWA MAHABUSU

Hadi sasa Mjumbe wa Kamati Kuu ya Chama, Mwenyekiti wa BAWACHA Taifa na Mbunge wa Kawe, Halima Mdee bado anashikiliwa na Jeshi la Polisi, Kituo cha Polisi Oysterbay, takriban masaa 72 tangu alipokamatwa na kuwekwa ndani kwa masaa 48 kwa maagizo ya Mkuu wa Wilaya ya Kinondoni.

Kwa mujibu wa Mawakili wa Chama wakiongozwa na Peter Kibatala, ambao wamekuwa wakifuatilia hatma ya Mhe. Mdee tangu ilipotolewa amri ya kukamatwa kwake, wanasema polisi wanaendelea kumshikilia Mhe. Mdee kwa ajili ya mahojiano ambayo hadi jioni hii haijaelezwa yatahusu tuhuma zipi.

Mahojiano hayo ambayo leo yameshindikana kufanyika kwa siku nzima kwa kile kilichoelezwa kuwa RCO ambaye ofisi yake ilikuwa na jukumu la kumhoji Mhe. Mdee alikuwa katika shughuli zingine ikiwa ni pamoja na kuwa kikaoni Makao Makuu ya Jeshi la Police.

Msimamo wa chama

Tunaendelea kusisitiza msimamo ambao tayari tumeshautoa kuwa Chama kinakusudia kuchukua hatua za kisheria dhidi ya wakuu wa mikoa na wakuu wa wilaya ambao wamekuwa wakitumia vibaya madaraka yao hasa kupitia *Sheria ya Tawala za Mikoa* kudhulumu na kuminya haki za wananchi mbalimbali wakiwemo wanachama na viongozi wa CHADEMA kwa kuwaweka ndani kwa msaa 48, kinyume cha sheria za nchi na tayari kimeshawaagiza wanasheria kuanza mchakato kwa ajili ya hatua hizo.

Suala la Mhe. Mdee ambaye kuanzia kutolewa kwa amri ya kukamatwa kwake, kukamatwa, kuwekwa ndani kwa masaa 48 na kuendelea kuwa ndani hadi sasa ni kinyume kabisa cha sheria, utakuwa ni mojawapo ya mifano itakayotumiwa na chama kuchukua hatua za kisheria dhidi ya wakuu hao wa mikoa na wilaya.

Kutokana na matukio kadhaa ya namna hiyo ya matumizi mabaya kabisa ya madaraka, yakiwemo ya hivi karibuni kama lile la DC wa Kinondoni aliyetoa amri ya kuwekwa ndani kwa Mstahiki Meya Boniface Jacob na hili la sasa la Mhe. Mdee, chama kinaamini Mahakama itatoa tafsiri sahihi ya matumizi ya Sheria ya Tawala za Mikoa inayotumiwa na maRC na maDC vibaya 'kuhukumu na kuwafunga watu masaa 48' kinyume kabisa na sheria.

Mhe. Mdee mwenyewe pia kupitia kwa wanasheria wake, ameonesha nia ya kuchukua hatua za kisheria kukomesha tabia hiyo kwa kulifikisha suala hilo mahakamani na kulisimamia hadi mwisho kwa ajili ya kukomesha vitendo hivyo visifanywe tena na maRC au maDC kwa watu wengine. Aidha anakusudia pia kuiomba mahakama itoe tafsiri sahihi ya kitendo cha kufungwa kinyume cha sheria (unlawfully imprisonment) kama alivyofanyiwa yeye.

Tumaini Makene

Wednesday, June 28, 2017

Mahakama Kuu Kanda ya Mtwara imewaachia huru Viongozi wa CHADEMA Mkoa wa Lindi

Mahakama Kuu Kanda ya Mtwara imewaachia huru Suleiman Mathew (Mwenyekiti wa CHADEMA Mkoa wa Lindi) na mwenzake Ismail Kupilila (Katibu wa CHADEMA Tawi la Nyangamara).

Viongozi hawa walikuwa wamehukumiwa adhabu ya kifungo miezi nane jela bila faini na Mahakama ya Wilaya ya Lindi mnamo 18.01.2017.

Baadae walikata rufaa Mahakama Kuu na kuomba dhamana kwa hati ya dharua ambayo walipewa tarehe 07.03.2017.

Wakati anasoma hukumu hiyo Jaji Mlacha alisema kwamba kosa la kusanyiko lisilo halali linatakiwa kufanywa na watu watatu au zaidi sio wawili.

Akasema pia kwamba vifungo vyao vimefutwa. Wako huru kwa sababu hawana hatia.

Aliongeza kusema kwamba ameona mambo kadha katika kesi hii (Observations)

1. Kwa mujibu wa sheria Jeshi la Polisi halina mamlaka ya kutoa vibali kwa vyama vya siasa kuhusu mikutano au maandamano kama ambavyo aliyekuwa OCD Ngiichi alidai katika ushahidi wake.

2. Warufani wameelekezwa kutoa taarifa Polisi kama sheria inavyotaka na si kwa Mtendaji wa Kijiji au kata kama walivyofanya wao.

3. Mazingira ya kesi na ushahidi uliotolewa, Polisi walitakiwa kitoa onyo la kawaida baada ya kuwatawanya watu. Lengo ni kujenga mahusiano mema kati ya raia na Polisi

4. Polisi wanatakiwa kutoa miongozo ili kazi zao ziweze kwenda sawa katika jamii.

Philbert Ngatunga
Katibu wa Kanda, Kusini